Somin-d'kèr

Non-mèrsi, pi digofré pou mwin.. Anfèt m’i tous pi ryin, m’a désir patant ankor inkou.. Nonva, i fé pa lontan

Ou koné amwin, sakfwa na Pak m’i tras an rézolisyon pou lané Na domoun i fé sa zourdlan Amwin, touzour inpé an dékalé, konm dabitid..!!

Alor, anèkdot.. Swadizan té pou lo dimans, mé lindi granmatin si mon téléfone na in linvitasyon.. Lao Sint-Mari Pa mwayin sapé, tout léla Dikou, té lokazyon romèt détrwa pèkto Konmkidi, minm détrwa kwintro.. !!

Ofèt..

Ou koné kosa i vé dir « Paréidolie » (?)..

Katarinéta-bèla la vi sa dann télé, la kour ékri sa si in morso papyé si mon biro Saminm-minm

M’a mazine sa akoz tèrléla mwin la rolir nout kozé lotfwa Si péron Sin-Bénwa..!!

Sinon.. Pa bézwin m’i di aou.. Sakinn i ral son dyab par laké pou ésèy rèt dobout Babou pou gaskone inpé nout bann zarboutan Mé kwé wa fé Zorèy marmay i anpar léko, sanpliskésa.. !! Bouz pa, mon lalbom Marley i vyinn fini, m’i rovyin.. Wala, inmti Georges Benson sanm Al Jarreau, lapa vilin nonpli.. Anparlan, fonnkèr banna la vé domann amwin la fine sorti Sé in rovi Haïtien : DO-KRE-I-S, an kréol sanm fransé Lotinm té si lidé d’Vwayaz Dikou m’a vé propoz azot in fofilaz dann « Somin lanwit »..!!

Sanm mon léspri inpé anbarké.. Mwin la may détrwa réflèksyon, kiswa travay, lakaz, kamarad..

Inpé dinn, inpé d’lot, konmdiré monmon

Mwin té pasir ké noré ral azot, mé anfinnkont mon non lé dodan, i fé plézir

M’i anvoy in kopi pou ou lir, sora mon kado zordi

Épisa, pou aswar : ibou, sou, kayou, boubou (tousala-tousala), nou artrouv tanto..!!

(BG-2018-04-09-Monfrèr)