Kontine pou Néninn

Dernière mise à jour : 10 oct.



Peinture d'Emmanuelle PETERS
Peinture d'Emmanuelle PETERS

Vant-kontro-vant

Dann mon sévé lisé

Lo van karo kann i kokine laminèt

Fo m’i dor va Néninn na travay pou fé

Avan lèr léspri i souk ali

« Sa zanfan Zanèt, e… »

Koman mèr-kay i roukoul si mon zorèy

M’i koné pa frison

Mon po tann zis pou anpar lamour

Son min fandiyé sanm lavi

Dopi toultan

M’i wa ou Néninn

Dann dolo basin ousa prinèl i roul

Na konm roulo i sone dann pyé ranpar Sa pou fé vativyin salé dann rin galé

Koman lamour dann bwa-lanwit

Li toy aou zouranzour

Sèr amwin for si ou vé

Port amwin lao si padport dégrafé

Anponÿ ankor dé bouton piton-blé

Siklone pankor ravazé

Si mon lang baba-la dolé tyèd lé fré

Li koné pa poroz ladame angansé

Lèr pankor sizèr Néninn

Papang i désot ankor pardsi méné

M’i va dormi Néninn

Soman m’i vé ankor loryo kozé sikré

I ranpli mon kaniki bouzaron léspri Lakaz laba-la lé vid Néninn, an doré

M’i sar dormi Néninn, m’i promé

Laforé pou aspèr aou, m’i koné

Na in lèr pou ou maziné, fo m’i rèv, pou ou ginÿ alé..

#Marone #Néninn

7 vues0 commentaire

Posts récents

Voir tout