Épiblouz-Flowers

Dernière mise à jour : 13 janv. 2020


Pa ginÿ bat aryèr

Té falé m'i té ékri tousala dalon..

Kozman pou sézi lovan i glis sou lazèl flér-kann an karo

Akoz fénwar i fane, zis kan fanal i tinn

Na tout kalité kosa dann lalé garniyé lavwa, dann bardzour i klèr

Zardin napwin ryink flèr-roz, n'i koné zonyon, piman zwazo

N’i koné son rasine, son min-zinzanm, son vane silon.. N’i koné koko-la, la bézwin zimaz pou di, koman li yinm

É-la m'i vèy, m'i ogard, m'i wa

Léko-la i robonm dan vant kap, m'i pèrswa

Larozé i farine, an zik, an gine

M'i mazine zangiy "on the street", léspri galfaté lokor in tantine

Bouké flèr-la, an ou Koman koray i dor sou lopyé lamèr, ou lé Tourtrèl-la, an ou Koman zanbrozad dann bor larivir basin-d’zyé, ou lé

Ki soré kab lir fonnvwal, kap an fonnkèr, sarzé galé Ravine i fane lokèr mon péyi, dann rèv out rin Batman roulèr-la, out lamour, koman Véli-oplin Sa Bata sou rouli in béko, dann lo-zarlor, siro-soumaké

(Lao-2018-09-11)


#Lao #Pöinm #Fonnkèr #Épiblouz #Flowers

10 vues0 commentaire

Posts récents

Voir tout

Sitanksa