Bouké novanm

Domin sra, promyé novanm

Ousa latèr-la sora kouvèr flèr

Latèr ousa ou dor astèr

Koté zinnzan lamour out kèr té tranm


Domin sra promyé promyé novanm

Ousa m'a kouv latèr-la sanm in flèr

In bouké m'a poz pou ou astèr

Koté lonbraz out vi, la anpar anou, zot zanfan tann


Dor aou byin, mon Néninn i di

Dor azot byin, doulèr la fini

Syanba, nou va kab démay nout maléré sor

Si lo zyé i débord ankor, n'a mazine azot for


Kisrès in silans an souvnans, in padèl

Kiswa in zistwar, in foudrir, in kou-d'sèk si lotèl

Sâk zour-la n'a fé sa, koman zéyé-novanm

Pétal i klat si lanbordir zot syèl, an kaloubanm


Dor azot, dor byin minm

Vavang azot dann karo-d'van, an sèrvolan létèrnèl

Zardin bwa-d'pome, salaz kodinn an tonèl

Bardzour i sourir, brodri nou la poz si zot mémwar n'i yinm




13 vues0 commentaire

Posts récents

Voir tout