Konbyin lâm dann bitasyon-la, ousa
Fèy banwar-vèr pou bwar « Somin lavi » fonnkézèr
Lodèr fangok sou farfar boukan
I ranpli mon larm-lozyé pou zordi
Lo rin kokiyaz an farine kokiyé
I savir frison mon kor youlanlé, ankor
M’i vèy boranbor zwazo i dans
An bal payanké, wa di sa Bondyé pou volé
Kap-an-kap fine an zagat fané, déboulé
Pandiyé dann kabaré lopyè pou dans-dansé
Lalèv lamèr i bat an révolisyon blé pou Éli-Lalé
Mon kor-roulèr anroulé i tranm aznou dovan so gafourn-bé
Léspri lé la Mao, laminm, si padport out ranpar an foré
Gèt Batanm-Lamour, Diva-Zouwar, Rinn-Maroné koman pou onoré..
Comments