Mémwar-Bé

Mèrsi.. Tout sàk la pa dann liv zordi Tout sàk déryèr bitasyon Dann kré laravine La gonn gous-la, grin pou grin, koman zépi véli

Mèrsi Moun-la.. Bann monmon, papa, zazakèl

La boutir son somin sanm paroli-kaf

Tanbour maloubar, boulouzé gasy

Fantézi youl, débaa komori

Mèrsi lang-la..

La kab anpar Bondyé-la dann kabary-kabaré

La kab anvélour doulèr lavi dann ranpar kolon

Pou anvizaz lamour dann kan tout bor

Dann valé-valé Siya, si lapant Granbwa

Dann lakour Beau-fond, si lakrèt Matouta

Partou ousa zot fonnkèr la kas lasinn

Partou ousa zot Malouya la fangok tèr-la

Zordi, zour-la

Pou zot mémwar-bé, sa Mèrsi..



16 vues0 commentaire

Posts récents

Voir tout