Omaz (Kèk vèr d'ou)

Dernière mise à jour : 2 juin 2021

Puisez, et puisez, ankor

Creusez les hymnes, chantez les là

Sa latèr sa, sa nout moun, sa nout bann

Des cimes aux battants

Konbyin d’ranpar, fané dovan zot pyé

Pleurez, et pleurez, ankor

Dann lanbordir koko-félé

Lamour tourmanté-la, sa lasab, sa galé

Sité Sodron, Kamélya, Moufya Térin d’vavangèr, pou débordman lokèr nout Anin


Sant mon pèyi

Dann rédiyon palanké

Ti-galang, kabar-vavangé

Si somin ranpar bazardyé

Di, n’i akos koté..


Sant mon péyi

Dann kré divé zèl fouké

Fèy-sonz, rozé-la anmfané

Dann ron-mayar galfaté

Wi, n’i akos koté..

Et d’autres se disent d’île

Et puisent, et puisent, encore

Creusant les lignes, explorant les rêves

Sa blouz-lakot, kanot anbarké i bril

Sa batanm-batanmbé, bleus du bleu des veines

Sa paz tiré, lâm anmaré, kor-lor anmavouzé


Sant mon péyi

Dann rèv lamour volvolé

Takanmba-d'lâm digdigé

An kaloubadya soumanké

Di, n’i akos koté..

Sant mon péyi

Dann bal-kadriy maroné

Désounaz ti-flèr profané

Konplint Maya langazé

Wi, n’i akos koté..


Et d’autres se disent d’île

Et puisent, et puisent, encore

Ordonnants déterminants de l’oeuvre

Effaçant les preuves des « Entre-Deux»

Écoute, silencieusement, ces âmes brutales

Blasphémer les rites, retourner les mots, sans nos actes-sacrés..

Wo Sigidèr

Na d’bourèr dann fonnvèr s’péy-la

Maloya-la dann mon boubou, défwa i lans

Lo ral-la dann mon kèr-bo, kèkfwa i dans

Sant mon péyi

Dann rouli l’por klikanté

Tramay lokor tangazé

Dann larm kador farlangé

Di, n’i akos koté..


Sant mon péyi

Dann rin banbou berniké

Damzane lamour malbaré

Dann kèk vèr d’ou anrolé

Wi, n’i akos koté..

Sant mon péyi

An kavya Pirot sifoné

An Marko filé lotkoté

An Zamal-Albany farfaré

An fourir lavi, gro pléré An manzé pou l’kèr fonnkézé

An tizïng lomo, i yélélé

An didou ou yinm, ankosté

An di ali ou yinm, kom ou vé


Sant mon péyi, sant.. Pou ni akos koté Alin, n’i lé


2021-02-26-Chateau Morange - Kabar Fonnkèr
Zanmari Baré & Lao Vanglao

77 vues1 commentaire

Posts récents

Voir tout