Pöinm Po Zozyan

Dernière mise à jour : 3 mai 2020


Kotèl, Ti-moun, Ti-valal

Gran dalon

Zazakèl malbaman


Kaf-Zanzibar

Zanfan-roulèr

Kalbanon


Somin-la té pa si long

Tipa-tipa Ti-Paris, Sans-sousi


Wi souvyin

Korbèy, Bèlminn

Tamatav, Tananbo, bèf dovan


"Dyak woywo..."


Wi souvyin

Afors-afors, té fine an sarèt

Pou l‘kèr in mamzèl


"Solman té koné pa, si té yinm amwin..."


Wi souvyin

Sakinn in bann, sakinn son bannn

Mé tout minm bann


"Tir malol dann zyé Réyoné, lapou bous ton zyé…"


Wi souvyin

Tout minm zistwar, an poundyak

Tout minm bèzman, minm rofrin


"M'i sar pi lékol kolonyal, pou aprann kozé

M'i sar war lorwa sint-sizane, pou dans kabaré..."


Wi souvyin

Oki lékol dann koko, oki larzan sou sapo

Oki lamour dann géto


"Zèt pa dopin, zèt pa dopin, wéwé …"


Astèr fanal, lokèr domoun

I kabar matalon

Dann kèr Ravine-Dipavali


Zot i ansouvyin

Tout minm léspwar

Tout minm sagrin


"Gliiyy woywo..."






19 vues0 commentaire

Posts récents

Voir tout