Black-feel, bé-black filé-la
Fil youliz, fil-fofilaz mon larm (1)
Koulèr-la si mon zo oté, pou anboulouz mon lâm
Tousala souvnans-la, rèv maziné, priyèr tasé
Parkoman, parkosa, lapa ni abou lèvé
Akoz, akoz mwin lé nwar ?
Kisa i pé dir, kosa m’i pé fé ?
Sa, pou ansèr amwin là
Somanké-sa zis akoz mwin lé nwar ?
Dann ron san-pityé latèr-la
Mwin la drès dann géto lavil-la
Momon, fi-trimèz, fanm-makwa Pou anboutir sâk bouton santim-la
Kwé pou amar amwin là ?
Dapré ou, koulèr mon vi sa wi krwa ?
Kapé, an kèly la souk in zékli manzé
M’i vavang sou lavi-la, an misouk kom i di
Kosa lo kosa pou pèz amwin là ?
M’i ardomann, akoz sa, akoz zis mwin lé nwar ?
Ki pou di amwin sa’k i fo banna ?
Noré lamor, sansa lavi laba ?
Ou kontinyé ténir amwin là
Dévir lo brin lo van, anmar gatir lo plan
Ou kontinyé koup an bout mon lélan
Ou kontinyé minm pèz dési mwin
Anbar mon somin…
M’i rod akoz, sa lé komsa
Akoz ou vé pa m’i sava
Akoz ou pou kine amwin là
Koman-koman, fo m’i sava
Sof koman, i fo m’i sap, m’i fofil banna
Akoz m’i vé pa rèt bagé là
Akoz m’i vé pa rès pozé, dépozé là
Ou wa, m’i vé zano-lor osi, kom ou M’i vé roul an Cadillac
Kit m'a ni mové kom ou
Mé ou kontinyé aroz mon kèr larak É mwin, m’i krwa, m’i krwa m’i pé alé
In moun byin, in moun lansé, in moun mové si i fo
Ou koné, askiparé
N’i pouré nyabou, si n’i batay pou vré
Na anparmi nou, la tanté, la souk an soulangé
Mé m’i vé zot i koné M’i koz pa pou mwin là M’i koz pou nout tout tèrla
Agard byin, si ou lé blan-fonsé
Sansa kanyar kaskasé
Ou sora touzour nwar, byin dark, byin blé
Fo nou souk minm koté somanké
Ala sa'k m’a pou di mon bann, kiswa
Sèr kom frèr, blé-black-la ankosté, pou langé..(2) Rouvèr lo kèr, rouvèr laport, fine lèr pou langé.. té
(2021-08-15-Adaptation de Is it because I'm black / Syl Johnson)
(1) Youliz (Lao) : Rendre beau / Fier / Donner éclat / Magnifier
(2) Langé (Lao) : Revendiquer / Activer / Exploiter