Swasant

Dernière mise à jour : 13 janv. 2020


Blandine, Blandine.., mon fréro, mon dalon brizé

Bob-la na son gouté pou maloya

Kwéksé in kord anmaré si in brans gouyavyé

San son batavèk parlpa..


Ousa ou lé

I yéyé i yé, i yé , i yé..


Lékors pyédbwa-la koman lalang défwa

Mo pou l’mo kasyèt dann karé mo-krwazé

Si lapant in silans désoté

Ousa lank léstilo an léspri i di, konm i vé pa


Ousa ou lé

I yéyé i yé, i yé , i yé..


Mon roulèr mouramour i ansomans

Dann basin fonnkèr san fon ni kèr

Koté bondyé la plonz nout tousala an romans

Dann bordir in lanbordir, in moulir, in fourir, in mortèz-bonèr


Ousa ou lé

I yéyé i yé, i yé , i yé..


Zan-Mari li koné « lamok laviré » Mé ki kab fé disparèt toupi sinwa-la

Sa, léspri Kaf-Maloubaré Té kab ansèr moulal liton-batar mon nafala


Ousa ou lé

I yéyé i yé, i yé , i yé..


Pou mwin twé lé la !

Pou rézone dann kontrosan flèr kann

Koman zapèl papang si labriz sigid i tranm Koman lèr-so si lasavane lamémwar, pardsi syanö-la

Ousa ou lé I yéyé i yé, i yé , i yé..


Laravine Sodron pou débordé aswar Dovin-la pandiyé dann rèv nout lapala, pou dékont swasant banané Sakinn son tour pou ansèr laline, solèy, son véli loswar Pou anlimir tralé dipavali oulé


Ousa ou lé I yéyé i yé, i yé , i yé..


Blandine, Blandine.., mon fréro, mon dalon brizé Bob-la na son gouté pou maloya Kwéksé in kord anmaré si in brans gouyavyé San son batavèk parlpa..


Ousa ou lé I yéyé i yé, i yé , i yé..


39 vues0 commentaire

Posts récents

Voir tout