Dodo Bino


"Shittt

Dodo baba, tidodo baba, dodo baba, sa momon léla

Dodo baba, tansyon fifi kala

Dodo gayar, sa dodo baba, papa lapa la !

Dodo Bino.. Momon pou poz son lâm, pou détak son koko-malang ranpli d’larm

Momon pou dévèrs son lodsèl, dann kozé galang la soulang son fonnkèr

Momon pou kapot garnitir lékim, la fanafout son roz-amèr Dodo mon baba

Momon na sinkant bra, konm fanm Shiva

Li sora kab vèy lavi fanal, fofil koton dann boranbor, done tété son dada

Dodo Bino..

Momon pou ropoz son rin, pou kalou son kayout ranpli lamour

Momon pou pil son bénoun, sarzé dolé ou té rasazié

Momon pou pran lélan pou fini son vane zantak koté dofé

Dodo mon baba

Momon na mil dwa, koman Heva Li sora kab pil manyok, pli langouti, takadak atwa

Dodo Bino..

Momon pou kont zétwal, pou rod véli la fine alé

Momon pou asiz èk ou, sou karo losyèl, anparmi Bondyé

Momon pou domann akoz, na zis in zimaz pou li émé

Dodo mon baba

Momon nana san vwa, konm Nina, Ella

Li sora kab plèr dousman, ri poudvré, li sora kab sant pou twé

Shittt

Dodo baba, tidodo baba, dodo baba, sa momon léla

Dodo baba, tansyon fifi kala

Dodo gayar, sa dodo baba, papa lapa la

Dodo baya, momon sa lamèr, pou lapli laravine

Dodo gaya, momon sa latèr, pou loli larivir !

Dodo Bino.."

(BG-2012-11-11)


#Maloya #Bino

0 vue0 commentaire

Posts récents

Voir tout

Sitanksa