Dann rédiyon palanké Ti-galang kabar vavangé Si somin ranpar bazardyé
Ni akos koté..
Dann kré divé zèl fouké Fèy-sonz-rozé anmfané Dann ron mayar galfaté
Ni akos koté..
Dann rèv lamour volvolé Takanmba-d'lâm digdigé An kaloubadya soumanké
Ni akos koté..
Dann bal kadriy maroné Désounaz ti-flèr profané Konplint Maya langazé
Ni akos koté..
Dann rouli l’por kinklikanté Tramay lokor tangazé Dann larm kador farlangé
Ni akos koté..
Dann rin banbou berniké Damzane lamour malbaré Dann kor vèr dou saviré
Ni akos koté..
Yinm didou yinm, didou yinm Diali didou ou yinm..
Dann fourir lavi gro pléré Malouya kanot saviré Kinmsa nénapi bondyé
Ni akos koté..
(BG-1995-04-01-Margot 2018-07-12)
