L'Isme d'Eugène

Dernière mise à jour : 13 janv. 2020

Dann lèr-la, lalïng lé fay Kinmsa tousa koulèr sémé dann fon son Delanm


Obout, dann fatra tousa trakasri flanké lokisité in sanm Lilèt i vé débordé astèr, dann van salé lot koté, ousa lanbrin i san lamèr Ousa solèy i briy an fanal pou klèr filaman lasann Ousa laravine i flanm dan rin lamontay, si kontropor i atann


Kosa i pé ankor fé tyinbo ali tèrla


Vag-si-vag, son kanot i tir lobor astèr I rod lakot péyi anflèr Ousa son mazinasyon na lontan pou vavangé Sitèlman pou papangé


Taïti


Basin-blé-la, koman prinèl in ron d’zyé ranpli lamour In larmé laforé, ousa nora d’kèr fofilé, ziskan ö Teha’amana-la Ousa lodèr an mouramour Lé kosté koté lokèr Tyaré, Fifi Rarotonga-la


Tehura


Basin d’zyé-la andousi sanm lav domyèl Manmzèl-la, anbéli sou kontrozour losyèl, anmélé bardzour Padèl pou lasapèl Parvati-lor si roulo lorizon-la


Kinmsa bonèr-piton


Larouli té fine an kap dann tablo pou pinn botan Kiswa lonèr mavouzé dann gafourn Sansa malèr malouté dann fironk zangoun Larak lavi-la té pou rak twal-ékri son lâm lotan


Laba, ankor


Na soupir Vaeoho, si lapant labriz Pou kadadak Tiakaomata ta ou Na soupir Hiva oa, sou lardèr labrèz Pou défyak malizé lamor dann bra Atuona


Dann lèr-la, lalïng lé fay Kinmsa tousa koulèr sémé dann fonnläm Karaïb, tousa tablo i flanm



21 vues0 commentaire

Posts récents

Voir tout