Lanvnir

Dernière mise à jour : 10 janv. 2021

Dan laz sizan, kan mwin la rant lékol

Té falé kit mon famiy, promyé fwa

Té falé pi akouté, té falé aprann

Tapok lozyé karkiyé dovan tablo

Tousala granfézèr latèr

La fé bliy amwin mon kouyonis ankor tann

La fé mal war amwin triyèl mon papa

Sanm pikèt mon monmon té i délav si laros

Navé in mo nèv dann mon bèrtèl :  « Lanvnir »

Sa té koman in rèv karé, in aspèr-tout

In somanké m'i mor san war, in nafala vantar, fané dann liv

Dann parabol, dann lévanzil, dann déor mon kaz

Kapab fé nyor amwin kozman mon papa défin

Té i di tansyon pangar (sinz i mont pa goril fé lagrimas)

É ala mwin là

Ki kalité démil ou vé m'i rèv ankor

Tousala lamantri, volèr lor, volèr latèr, larzan, lavi domoun

Tousala lamoukatri, dépi lanba, ziska lan-o

M'a konm pou mor koman krapo i bat si lansiv son fonnkèr

Dann son basin loso

M'a pou mor..

Dann lanvnir-là




12 vues0 commentaire

Posts récents

Voir tout