top of page

farafara

Farfar lo mo.png

An zouramour - An pagay - An vativi zourazour - Na mo lamour an batay

Mo d’kèr louksirèr, fofilé - Mo d’lâm an zamal, faringé

Bann mo fézanm, défané - Bann mo an bann, an kèr-anm

Na mo tizïng - Dann finfon yangine

Mo mafané, an mavouzant - Mo nafala, an rolévant

Ranmavouzèr lo syèl - Youlizèr lantousèl

Mo pou zaz toufine mon lang - Pou kas lanmoulir zot lang

Kèl mo ta mwin - Dann tousala mo ta nou

Kèl mo pou lo swin - Dann tousala mo bagou..

 

(2020-07-08-Mo Bagou-Lao)

​

______________________________________ 

​

Ékri in santiman, ékri in zimaz..

Done lo moun i sar lir aou innot zafèr, pa zis in tèks 

Aminn ali dann in linivèr, so landrwa ta ou, ousa ou fé grandi out mazinasyon

Pou sa, i fo lo mo, bonpé lo mo

I fo in takon lo mo, pou ginÿ anpar si kantité nafala ou noré pou di !

 

Alors, ousa  trouv ali kan langpozé-la lé nèv
Kan "vocabulaire"-la lé fané (perdu) dann  mémwar nout koko

Kan langkozé-la lé fané (éparpillé) dann mémwar nout péyi ?

​

I fo, sansa i fodré,  arkomans planté, kisrès in boutir kapé dann zardin parsi-parla

I fo, i fodré, débaskil baskil la tak nout manir révé, nout manir kalkilé, nout manir trasé, nout manir débouzé

I fo, i fodré, rodépay bann méné la-lang nout bann granmoun (parents), nout bann gramoun (vieux/grands-parents), nout bann zansèt.

 

Dann mon komansman travay-la mwin la bit si dé galé :

Koman fé war domoun lazolité in mo ?

Koman fé konprann ali ké "batarsité-la" sa pa plis mwin ké "l'hybridation" lot-bor ?

 

Épisa, mon souvnans la raminn amwin si somin mwin la pran pou aprann lir Kréol-mon lang

wi, akoz si ou vé ginÿ lir ali, fo byin ou aprann, pa zis di ou koné, pa zis di ou lé né sanm li
Non-va, fo ou pas inpé lo tan sanm li, pou kapar son bann tiktak, son bann zigzag i zigil lalang-lékol (le français)

Tout son santiman, la lèv sou koutfwèt, la travèrs dann bitasyon pou débord dann ranpar nout bann Maron.

Dopi-là, mwin la pran rézolisyon-la, kalkil pa kosa domoun i vé, kosa zot i atann

Fé sàk mwin na pou fé, sàk mwin la anvi d'fé, akoz la pa bézwin na inn pou diriz mon lémosyon

Akoz osi si m'i lès zarlor-la sèk tro lontan lo barik va pouri.

​

Dikou, kosa noré pou pèrd plis ké sa ?
M'i prétan pa pran laplas kikséswa !

​

Farafara-la i pé trouv inndé lésplikans pou di kosa li lé, m'i lès azot alé war..
Pou mwin, tèrla, li pèrd pa son lidantité Gasy, ni son valèr kréol
Tèrla li ansèrv an lïng, an paz, an liv, an landrwa ousa i garanti son vi

"In kaz" gatiré (liens/brêlage) sanm lo san nout lâm, nout mélanzri.

​

______________________________________ 

​

Farafara

Ici entendu comme Glossaire, Lexique, est le lieu où Lao plante les mots/expressions relevés lors de rencontres, mais aussi tous les mots nouveaux qu'il fait naître pour dire précisément sa poésie.

 

(Ces mots nouveaux sont signalés*) 

Dernière mise à jour : 2026-07-19

​

  1. ABON - AWÈ

    1. Questionnement - Approbation

  2. ANBA 

    1. En bas

  3. ANBALA 

    1. Lieu assez proche

  4. ANBALABA 

    1. Lieu plus éloigné 

  5. ANBÉLOUVÉ* (VOIR BÉLOUVIZ)

    1. Enrichir, sublimer

    2. Fé nèt lo mo pou anbélouv mon fonnkèr

  6. ANBOUTONÉ*

    1. Bourgeonnant

  7. ANBRÈZ

    1. Chaud (en feu) - En colère - Excité

  8. ANFAYINÉ*

    1. Éparpillé - Dissout 

  9. ANFIME - ANFIMÉ - ANFIMAZ - ANFIMÈR- ANFIMÈZ

    1. Enfume - Enfumez - Enfumage - Enfumeur - Enfumeuse

  10. ANFOUGADÉ* 

    1. Désordonné - Pêle-mêle

    2. Tousa nafala anfougadé dann mon koko/ Toutes ces choses emmêlées dans ma tête

  11. ANGALANGÉ* - ANGALANGAZ

    1. Bercé / Chahuté

  12. ANKADOR* / ANKADORIZ

    1. Honorer - Vénérer / Surestimer

    2. Ankador ali kom ou vé, mé ankadoriz pa son valèr

  13. ANKAP* (ANKAPAZ, ANKAPÉ, ANKAPÈR)

    1. Limitation 

    2. Sosyété-la i ankap amwin, rèv-la i déploy amwin

  14. ANKRWAZ*

    1. Hybrider 

  15. ANKRWAZÉ* 

    1. Multidirectionnel.le

    2. Nout mémwar lé ankrwazé  / «Nos mémoires sont multidirectionnelles» (Jean-Luc Raharimanana)

  16. ANLÉRIZ (Jean-Louis Robert)

    1. Zordi Zourné intèrnasyonal la lang matèrnèl pou anlèriz TOUT bann lang èk kiltir

  17. ANLUIL 

    1. Soûl - Gras 

  18. ANM 

    1. Ensemble  / Jumelé 

  19. ANMFANAZ* - ANMFANÉ* - ANMFANÈR* 

    1. Co-distribution  - Co-produire - Co-producteur

    2. Diks Walla lé anmfané  / L'album de Walla est co-distribué 

  20. ANÖ - PARANÖ*

    1. En haut - Au-delà  - Au-dessus

  21. ANÖLA*

    1. Contre-haut (rapproché)

  22. ANÖLABA* 

    1. Contre-haut (plus éloigné) 

  23. ANROLIZ* (ANROLIZÉ - ANROLIZÈR - ANROLIZAZ - ANROLIZMAN)

    1. Montrer l’exemple / Larényon lé plin lamontrèr kab anroliz anou

  24. ANSIKÉ*

    1. Cristalliser 

  25. ANSOUKÉ*

    1. Volé -  Épris de - Intégré 

  26. ANSOULÈR* (ANSOULÉ)

    1. Bavard - M’i wa pa ou kapab di divagaz mon lang ansoulé

  27. ANVALORIZ*

    1. Élitisme (lapolitik k’i anvaloriz désèrtin, san tyinbo kont lo libérans pou lotout)

  28. ANVOULVOUL*

    1. Chatouiller - Wa mank lélan, pou anvoulvoul divé mon kèlkèl

  29. ANVOUVÉ*

    1. Assembler - Réunir

    2. Tout lo pé lé anvouvé an bisik

  30. ANVIZAZÉ

    1. Regarder à son aise, à loisir..

  31. ANZIZAN*

    1. Incriminant

  32. ANZIZIK*

    1. Dorloter - Bercer - Choyer

    2. Sa, tousa mo-tann pou anzizik aou kan ou la pwin somèy..

  33. ANZOURNE*

    1. Éclairer - Wa mank sézon, pou anzourne bouzaron mon doulèr

  34. ARBIS (Tomat)

    1. Arbuste (Tomate)

  35. AROBIS - ROBIS - FÉ BIS

    1. Bis répétita - Encore 

  36. AS

    1.  As du dé  - Être un as (sensationnel)

    2. Hacher (Lès amwin as mon bréd)

  37. ÂS / LAÂS*

    1. Hache (une) 

    2. Son âs i as (sitan fine koup galé)

  38. ATÈRLA

    1. Ici et là

  39. BA 

    1. Bas - Chaussette - Partie inférieure 

  40. BALAD 

    1. Romance

  41. BALÀD (Alé baladé)

    1. Promenade (Aller se promener)

  42. BANNANBANN*

    1. Foule

  43. BASTRING 

    1. Bastringue 

  44. BAY 

    1. Au revoir - Adieu 

  45. BAYÉ 

    1. Bailler  (Donner, faire croire) 

  46. BÀY

    1. Un certain temps - Un bail locatif 

  47. BÂY - BÂYÉ -BÂYMAN 

    1. Bâiller - Bâillement 

  48. BAYKOLA 

    1. Rester bouche ouverte - Ventre vide 

  49. BAZÀR 

    1. Bazar (le lieu) 

  50. BAZAR

    1. Désordre 

  51. BAZARD - BAZARDÉ 

    1. Jeter - Virer 

  52. BÉLOUV​

    1. Bélouva (grand trésor)​

    2. Bélouvo (Grand effondrement)

  53. BÉLOUVÉ - BÉLOUVIZ*

    1. En beauté - Fier/Fière - Digne

  54. BÊNYÉ 

    1. Beignet

  55. BÉTAKAZ* - BÉTAKÉ

    1. Fermé hermétiquement 

  56. BÉVIZAZ* (BÉVIZMAN) - BÉVIZ - BÉVIZÉ- BÉVIZÈR

    1. Contemplation - Contemple - Contempler - Contempleur 

    2. Mwin la trouv ali là, béa, an bévizèr dovan mon pyé kapilèr !

  57. BIN - LO BIN

    1. Bain - Le bain 

  58. BINŸ - BINŸÉ - BÉNYÉ 

    1. Baigne - Baigner 

  59. BINŸ-MOUN / LOBINŸ

    1. Salle de bain 

  60. BONDYÉ 

    1. Bon dieu 

  61. BOUTANM*

    1. Pièce jointe - (Fézanm /Associé)

  62. BOUTRI*

    1. Symbol - Symbolique

  63. BRÈD 

    1. Plante comestible - Souci - Affaire  personnelle (intime) - Sans valeur (Trouillard)

  64. DÉBOULAZ*

    1. Déchéance (humaine)

  65. DÉDOUTANS* - DOUTANS

    1. Confiance-Méfiance 

    2. Out dédoutans i fé mon doutans / Ta confiance me crée des doutes

  66. DÉFANÉ*

    1. Reprendre-Enlever-Exorciser 

    2. Ma défane tout out maléré sor / Je chasserai (exorciserai) tes mauvais sorts

  67. DÉGATIR*

    1. Dénouer / Délacer / Libérer

  68. DÉGAZOUY (Luciano) 

    1. Rendre audible, Exposer, Affirmer, Revendiquer (à propos de la langue)

  69. DÉLÈVRI*

    1. Faux réveil

  70. DÉMAVOUZANS*  / MAVOUZANS*

    1. Épanouissement /  Dépérissement

  71. DÉRASÉ*

    1. Arracher - Déraciner 

  72. DÉVÉLI 

    1.  Mauvais sort (kèl dévéli wa ginÿ fané ?)

  73. DÉZORDANS*

    1. Calamité - Punition - 

  74. DOBÈR - DOPIN-DOBÈR 

    1. Le beurre - Du pain beurré 

  75. DOUTANS / DÉDOUTANS*

    1. Méfiance / Confiance

  76. DRWA (LO)

    1. Droit (avoir le) - Ne pas confondre avec LODRWA 

  77. FARING

    1. Excitation sexuelle

  78. FAYRI*

    1. Inconsidéré -  Pauvre - Sans noblesse

  79. FÉ 

    1. Fée 

  80. FÈR (LO)

    1. Fer  

  81. FÊR*

    1. Faire 

  82. FÊRAZ*

    1. Création  

    2. Bann fêraz  JACQUES na d’gou / Les créations de Jack sont magnifiques

  83. FÉZANM*

    1. Associé (en affaires) - Complice - Solidaire

    2. Sa bann an fézanm sa

  84. FILOU - FILOUTRI 

    1. Personne (action malhonnête)

  85. FILOUT - FILOUTÉ - FILOUTAZ 

    1. S’échapper - Filer - Jouer des mauvais tours

  86. FIRMÉZIR 

    1. Au fur et  à mesure

  87. FLOB

    1. Battre horriblement fort - Mentir, flouer, duper - Gaspillage inconsidéré

  88. FILANVANG - FILANVANGÉ*

    1. Fugue - Fugué​

  89. FOMOUN - MOUNFO*​

    1. Un hypocrite - Traite - Malveillant​

  90. GABYANS* (Lagabyans)

    1. Mérite (avoir du) - Importance (avoir de) / Boug-la té gabyé (kosto, for), mé lot navé son gabyans osi

  91. GATIR

    1. Lien (corde) - Trait d’union

  92. GATIRAZ*

    1.  Union 

  93. GAYARDAZ - GAYARDRI*

    1. Grandiose - Exceptionnel

  94. GILDIV

    1. Fût - Réservoir 

  95. GILDIVÈR* 

    1. Ivrogne

    2. Labivèt-la na ryink gildivèr / À cette buvette il n'y a que des ivrognes

  96. GINŸ - GINŸÉ - GANYÉ 

    1. Gagner - Recevoir 

  97. GINŸ-FANI

    1. Perdre - Ne pas marquer de point

  98. GOZYÉ

    1. Gosier 

  99. GOZIYÉ - DÉGOZIYÉ

    1. Égosiller

  100. GRANLÈR*

    1. Urgent (Akoz lé granlèr poudvré)

  101. GRIN - LO GRIN

    1. Graine - Pépin - Noyau - Semence

  102. IN - INN

    1. Un (unité) 

  103. INNOT 

    1.     100.1.Une autre

  104. KADOM*

    1. Propre (en référence au savon Cadum)

  105. KAKARÈL 

    1. Cacarelle (Expression antillaise : Dans la merde)

  106. KALIK* - KALIKOTÉ - KALIKOTAZ 

    1. LIBRE ​

    2. ​Kosa ou vé m’i rod, si lapa sa, mon santyé kalikoté

  107. KALKILMAN*

    1. Pensée

  108. KALOUBADYÉ*

    1. Incompréhensible

  109. KALOUBÉ - KALOUPÈK*

    1. Merveilleux - Exceptionnel - Grandiose

  110. KALOUMONN*

    1. Monde merveilleux

  111. KATIMINAN* / KATIMINE

    1. Silencieusement

  112. KAYOUT​​*

    1. Dérivé de Chayote (Chouchoute) / Attribut du sexe féminin

    2. In dèrnyé ti morso larourout mon kayout, avan ou sava

  113. KÈRBÉKABAR* 

    1. Extravagance / Folie 

    2. Aou békabar i fé lèv mon kèrbékabar  / Tu es l'essence de mes extravagances

  114. KÈSANM (KÈS-ANM)*

    1. Caisse solidaire, Tontine, Cagnotte

  115. KLÉDSOV*

    1. Clé qui libère

  116. KLOKRI*

    1. Pustule

  117. KOMANNRI*

    1. L’ordre - La gouvernance - Le pouvoir

  118. KONKÉTADOR*

    1. Conquistador

  119. KORALIK*

    1. Organique

  120. KORIZAZ* 

    1. Correction 

    2. N’a fé lo korizaz apré / Nous feront les corrections après 

  121. LAÂS* - Âs

    1. La hache

  122. LABA 

    1. Là-bas - Plus loin

  123. LABRINE 

    1. La bruine (Fine pluie)

  124. LA DI - LA FÉ

    1. À dit - À fait 

  125. LADILAFÉ 

    1. Commentaire - Commérage

  126. LAFÉ 

    1.     121.1.La fée

  127. LAFÎN / FÎN*

    1.     122.1.La faim dans le monde (LafÎn pou tat ali - Ou la fÎn ?)

  128. LÀFIN / FIN*

    1. La fin de séance

    2. Làfin lafÎn la pa pou domin 

  129. LAKAZ 

    1. La cas

  130. LAM

    1. Lame

  131. LÀM*

    1. Vague 

  132. LÂM*

    1. Âme 

  133. LAMIZIK 

    1. La musique

  134. LANBOUT*

    1. L’extrémité

  135. LANFIMAD*

    1. Piège

  136. LANFIMAZ*

    1. Enfumage

    2. Fé lanfimaz dann mwa san gèp / Faire de l’enfumage hors saison / Raconter n’importe quoi

  137. LANG - LANGÉ*

    1. Revendiquer - Activer - Exploiter

    2. Kèl lang ou sora kab langé, si wi koné pa longèr son moulir ?

  138. LANGALIZ* - LANGALIZMAN - LANGALIZAZ - LANGALIZÉ

    1. Traduire -  Traduction - …

  139. LANGPOZÉ*

    1. Langue écrite  - Manifeste 

  140. LANKOZÉR*

    1. Le locuteur

  141. LANKRIZ*

    1. Précarité

  142. LANMOULIR*

    1. La norme

  143. LANMOUNITÉ*

    1. Fraternité

  144. LANTABLISMAN*

    1. Institutionnalisation

  145. LANTOUSÈL* 

    1. La solitude

    2. Domoun anbaré dann zot lantousèl / Personnes isolées dans leur solitude

  146. LANTRI / LALANTRI*

    1. Lenteur

    2. Les lantri de nos consciences

  147. LAO - PARLAO

    1. Là-haut - Par là-haut 

  148. LAONT / IN ONT

    1. La honte  / Une honte

  149. LAPA*

    1. Ce n’est pas

  150. LASÊR*

    1. La chair

  151. LATÂS*

    1. Rôle - Mission

  152. LATROUBLANS (TROUBLANS)*

    1. Trouble et errance 

    2. Île chaotique juchée aux troublans de nos garanceries éparses

  153. LAZOL

    1. Prison - Geôle 

  154. LÉ-BÉ*​​​​

    1. ​Être cher - Bien-aimé

  155. LÉKLÉRANS*

    1. Clairvoyance

    2. Bann Granmoun na plis léklérans / Les adultes ont plus de clairvoyance

  156. LÊR*

    1. L’air

  157. LÈR

    1. L’heure

  158. LÉSPLIKANS* 

    1. L’explication

    2. Alé war lo ziz, wa ginÿ lésplikans / Va voir le juge, tu auras des explications

  159. LÉSTRÉKOZ*

    1. Le fond de la pensée

  160. LIBÉRANS*

    1. Émancipation - Affranchissement

  161. LIMAZINÉRASYON* 

    1. Imaginaire 

    2. Pöinm suifé, galfaté sanm limazinérasyon / Poème suiffé, galfaté d’imaginaire

  162. LÏNG - LALÏNG

    1. Ligne - La ligne 

  163. LINZ 

    1. Linge - Vêtement 

  164. LISTWAR*

    1. L’Histoire - Ne pas confondre avec ZISTWAR (Conte) 

    2. Amont anou listwar Larényon / Apprends-nous l'Histoire de La Réunion

  165. LITILAZ*

    1. Utilisation - Usage (Anon roaprann son litilaz)

  166. LÔ - DOLÔ

    1. L’eau - De l’eau

  167. LOBINŸ* / BINŸ-MOUN 

    1. Salle de bain 

  168. LODORIK*

    1. Odorifique

  169. LODRWA

    1. Le droit (Juridique)

  170. LOTOUT*

    1. L’ensemble

  171. LOZAZ*

    1. Audace / Toupet 

  172. LOUVRAZRI - LOUVRAZMAN*

    1. Métier 

  173. LUIL - DOLUIL

    1. L’huile - De l’huile

  174. MAFANÉ*

    1. Présent - Persistant - Puissant  

    2. Ma fane dévéli mafané /  Je jetterai des sorts puissants

  175. MALALÂM*

    1.   Mélancolie  (Spleen - Tristesse) 

  176. MALING 

    1. Malingre 

  177. MANDIYÈR*

    1. Mancheur

  178. MANTRIMAN*

    1. Déni - Afors tan mantriman, gard son mavouzans

  179. MAVOUZANS*  / DÉMAVOUZANS*(Adaptation de Mavouz)

    1. Dépérissement  /  Épanouissement 

  180. MAVOUZANT*

    1. Accablante 

  181. MAYANM*

    1. Échange / Interaction (mèrsi pou zot mayanm)

  182. MAZIKADANS*

    1. Envoutement

  183. MIRKWÈL* 

    1. Tapisserie

    2. Aou mon lizorèl, mirkwèl mon zinntan / C'est toi ma référence, murs d'images de mon jeune temps

  184. MOUNAMOUN (MOUN-A-MOUN)*

    1. Semblable

  185. MOUNFO - FOMOUN*​

    1. Un hypocrite - Traite - Malveillant​

  186. MOURAMOURÈZMAN*

    1. Passionnément

    2. Aou tousèl kab anpar mon kèr an mouramourèzman

  187. MOURÉZON*

    1. Étiolement - Affaiblissement - Atrophie 

    2. Tout brèz lamour, san lardèr, i tonm an mourézon

  188. NA - NADÉFWA (NADFWA)

    1. Il y a - Il y a des fois 

  189. - N’A - NÉNA 

    1. Avoir (ne pas confondre avec NANA)

    2. Mwin néna in loto rouz, li n’a in gouté pou lavitès

  190. NADGOU

    1. Avoir du goût - Beau - Bien - Jolie - Extra 

  191. NAFALA

    1. Affaires, choses / Ramas  tout so bann nafala i trinn / Ramasses toutes ces affaires qui trainent

  192. NANA (ne pas confondre avec NÉNA)

    1.  Femme - Fille 

    2. .Bann ti-nana-la néna zoli rob a flèr

  193. NÉNA - N’A

    1. Avoir

  194. N’I - NOU

    1. Nous 

  195. NUITÉZOUR

    1. Nuit et jour

  196. OBOUT 

    1. Au bout de 

  197. PARANBA 

    1. En bas - Au-delà - En dessous - Contrebas 

  198. PARANBALA 

    1. Lieu (assez proche) - Contrebas 

  199. PARANBALABA 

    1. Lieu (plus éloigné) - Contrebas

  200. PARANÖ*

    1. En haut - Au-delà - Au-dessus - Contre-haut 

  201. PARANÖLA

    1. .Lieu (assez proche) - Contre-haut 

  202. PARANÖLABA

    1. Lieu (plus éloigné) - Contre-haut 

  203. PARLABA 

    1. Là-bas - de l’autre côté 

  204. PAROLANM*

    1. Pétition 

  205. PATANT

    1. Patente 

  206. PÉNAZ*

    1. Mensonge(rie)

  207. PIN - DOPIN

    1. Pain - Du (le) pain 

  208. PITYAK (Pityak-pityak)

    1. Bruit de bouche pendant la mastication -  Bruit des pieds sautillant dans des flaques 

  209. RANMAVOUZÈR*

    1. Qui redonne vie, espoir

  210. RAZINE (AN)*

    1. Hurlement 

  211. RÉVASRI*

    1. Rêverie / Rêvasserie 

    2. Mazinasyon ousa tout kalité révasri lé fouré / Imaginaire fourré de rêveries

  212. RÉZINYANS*

    1. Résignation - Abandon - Oubli

    2. Mon mazinasyon lé pandiyé dann bitasyon lalang mon péyi-lao, san rézinyans

  213. RI - DORI

    1. Riz - Du riz  

  214. RIR 

    1. Rire 

  215. ROLÉVANT*

    1. Compte rendu

  216. ROMÉTAZ*

    1. Transmission

  217. ROMOUL*

    1. moduler

  218. RONNKALAZ*

    1. Enfermement - Répression

  219. SAHAFA

    1. Van / plateau circulaire en vacoa tressé / pour vanner (le riz)

  220. SAK 

    1. Sac 

  221. SÀK* SÀK-LA

    1. Celui - Ceux- Celles 

  222. SÂK*

    1.  Chaque 

  223. SA’K*

    1. Ce que 

  224. SAKFWA

    1. Chaque fois 

  225. SAKINN 

    1. Chacun ​

  226. SARBANN* 

    1. Sarabande

  227. SAT

    1. Chat 

  228. SÉMWIN

    1. Chez moi

  229. SÉ MWIN

    1. C’est moi

  230. SÉRING - SRING 

    1. Seringue 

  231. SIGIDIZ*

    1. Mettre de la magie - Rendre féerique

    2. Sigidiz ou vi tanpirkipé 

  232. SINYÉ 

    1. Signer 

  233. SINYÈR*

    1.  Signataire

  234. SINŸ - SÉNYÉ (SINŸÉ) 

    1. Saigne - Saigner 

  235. SIRIKÈR*

    1. Pensée intime et secrète (du swahili SIRI : Secret)

    2. Dann siri-sékré mon kèr na in karo lamour ranpli sirikèr

  236. SRÏNG - TISRÏNG

    1. Bruine - Petite bruine 

  237. SIPOVIZYON* 

    1. Hypothèse

    2.  Dann sipovizyon banna noré rézon / Dans l'hypothèse qu'ils auraient raison

  238. SOMINDVI​*

    1. Destin - Destinée​

  239. SOUKÈZ*

    1.  Faucheuse / La mort

    2.  Tanto soukèz-la sora là, si lavi mon vi  / Bientôt la faucheuse sera là, sur la vie de ma vie

  240. SOUMISÈR*​

    1. À partir de soumission - Celui qui soumet​

  241. SOUTIR - SOUTIRANS - SOUTIRAZ 

    1. Soutirer ​

  242. STRÏNG

    1.  Petite culotte 

  243. SYANBA - ISYANBA 

    1. Ici en bas 

  244. SYANÖ - ISYANÖ

    1.     237.1.Ici en haut 

  245. TÈLTÈL* 

    1. Tel ou tel / telle ou telle 

    2.  Fé lalwa sanm tèltèl kondisyon / Faire les lois avec telles ou telles conditions

  246. TÈRLA 

    1. Là - Ici 

  247. TÈRLABA

    1.  Plus loin 

  248. TÈRMINAZ* 

    1. Terminaison

    2.  Fé tansyon bann tèrminaz lo mo / Fait attention aux terminaisons des mots

  249. TÉVLAVÉ*

    1. Étalé

  250. TIBRINE

    1. Crépuscule 

  251. TIFANTIS*

    1. Interstice

  252. TISRÏNG

    1. Petite bruine 

  253. TIZÏNG - ZÏNG

    1. Petite quantité  

  254. TONB

    1. Tombeau

  255. TONM - TONBÉ

    1. Tombe - Tomber  

  256. TOUFINE*

    1. Zone pubienne - Mont de Vénus - Pénil  (contraction de Christophine)

    2. Bénoun-la ranpar, ousa m’i plonz dann basin toufine margoté

  257. TOYÉ*

    1. Enquiquiner 

    2. Li té toy amwin nuitézour / Il m'enquiquinait nuit et jour

  258. TYAKTYAK* (ne pas confondre avec pityak)

    1. Bruit des goutes de pluie

  259. TYINBÈK​*

    1. Tyinbo-èk (Tenir bon-solidaire) 

  260. VATIVI*

    1. Flux

  261. VATIVIRÉ*

    1. Arpenter

  262. VILÉNI* - VILINNTÉ

    1. Pas beau - Affreux - Bassesse

  263. VROUY*

    1. Partir en vrille / en couille

    2. Mwin té san sa té sa bar an vrouy / Je sentais que ça allais partir en vrille

  264. VWAYAZRI*

    1. Transfert

  265. WALA 

    1. Voici - Voila 

  266. WÈ - WÈ-WÈ

    1. Interrogation - Affirmation - Validation 

  267. WÈKS 

    1. Admiration 

  268. WOFO

    1. Exaspération 

  269. YANVOUL* (De Yanvalou/danse rituelle Haïtienne d’origine africaine)

    1. Une des danses principales du Vaudou

  270. YANGINE*

    1. Intime

  271. YO

    1. Étonnement-Admiration

    2. Yo !  Balinn-la pou fé santous  / Yo !  la baleine fait des saltos

  272. YOULIZ* (YOULIZÉ - YOULIZÈR - YOULIZAN - YOULIZMAN - YOULIZAZ)

    1. Rendre beau - Magnifier 

  273. YOYO 

    1. Jouet 

  274. ZANIMOUNTÉ*

    1. Animalité

  275. ZAKORDAZ*

    1.  Charte

    2. Laméri na son zakordaz si lalang Rényoné 

  276. ZAMARINAZ*

    1. Asservissement 

  277. ZANLÈR*

    1. Élite - Privilégié

  278. ZAZ* - ZAZÉ

    1. Vibrer, Jazzer, Swinguer

    2. Kafrine-la i zaz amwin / Cette fille me fait vibrer

  279. ZÏNG - ZÏNG-ZÏNG

    1. Petite quantité - Toute petite quantité 

  280. ZISTWAR 

    1. Conte

    2.     272.2.Ki kantité zistwar dann mon Listwar

  281. ZOURAMOUR* 

    1. Faire avec amour dans la durée 

    2. Kari monmon lé an zouramour / Les plats de maman sont toujours fait avec amour

  282. ZOURAZOUR* 

    1. Jour après jour

    2. M’a ni an fonnkèr zourazour dann kré out zorèy / Je viendrai en poème jour après jour au creux de ton oreille

  283. ZOUZOUT*

    1. (de Zizi) Attribut-Sexe masculin​

  284. ZYÉ - LO ZYÉ

    1. L’oeil - Les yeux 

bottom of page