Dann rouli kozman-la, batayé
Bann zékli-zéklèr-la, anparé
Tangaz nout bor, dann por malizé
Godonÿ nout kèr golinm, ankonÿé
Mysa, Mysa-yé, Kélyboun ousa ou lé ?
Dann fénwar laline-la, anmasé
Santiman-la, gogno-godondé
Sou lavalas fonnkèr malouté
Koman gondal dann bal bigobé
Mysa, Mysa-yé, Bouboun ousa ou lé ?
Dann fénwar aswar-la, m‘i vèy
Bal laline piton Maavèl
Pangar laravine-la sèrkèy
I kaoukoun bonèr mon kavèl
Dann fénwar aswar-la, m‘i vèy
M’i margot latèr èk lo syèl
M’i tévlav lavi-la tousèl
Pou ansigid véli nout somèy
Dann fénwar aswar-la m’i vèy
M’i tizane lamèr sanm solèy
M’i avine lamour-la sanm domyèl
An bélouv-bé-la, wa lèv tou sèl
Mysa, Mysa-yé, Kélyboun ousa ou lé ?
(1994-12-01-Margot 2033-06-22)
Godonÿ : Piètre individu
Golinm : Fatigué, affaibli
Ankonÿé : Brutalité
Kélyboun : Surnom affectueux (pour l'enfant)
Gogno : Vieillerie
Godon (Godondé) : Débarras
Gondal : Vorace
Bigobé : Au jeu (Du Maire) celui qui ne se fait pas prendre
Kaoukoun : Tuer
Kavèl : Kavya, Kaskavèl (Pour l'auteur : esprit - âme - sentiment - émotion)
Mysa : Surnom de l'enfant
