Kaf an Zitte

Aou, sanm lonbraz out kor

Out rir, sanm lo far out sourir

Out swazisman, out sézisman, out kontantman

Out longèr, out otèr, sanm sapo-la

An zarboutan-kaf, bann zoli moun-la

Tousa-la, zordi-la, i sone kom an mankman

Wa di lakour-la lé vid, kom an pilon san kalou

Kom an karousèl-séga san Loulou

Wa di sa, pou mwin, zaviron an tiktik, san zingad Kom an tapi-loul san ou, mon dada-kamarad Azot, tout bann Bondyé lao Tout bann zétwal, blé an zépi lindigo

Fo m’i di azot, koman syanba-la Fonnkèr son lâm i vang an vag si lakot-la

Koman fonnlâm nout kèr sitan i sinÿ, sitan i sèr ankor…