Matèr

(Stabat Mater an langpozé)

Dobout, sa Monmon tout doulèr

Koté lakrwa, larm plin lo zyé,

Alèrk son Zanfan pandiyé.

Son lâm lasoufrans

Malalâm-la an plényans

In lansor la farlangé.

Koman li té vid épisa défayi,

Sèl Fanm béni anparmi

Monmon Zazak-la lo Sèl !

Li té plèr kèr-la anmaladé,

Lo Monmon lamour, dovan

Tourman son Kély-Bé.

Ki sré bononm san poulouré

Si lé té wa Monmon Christ-la

Dann in tèl doulourans ?

Kisa sré pa sagriné

Dann bévéyans kèr-Monmon-la

Pou andoulèr-anm  son Sèl-Éné ?

Pou dérézonans son pèp,

Li la vi Zézi-la dann malizans

Ankapé sou fwèt-la.

Li la vi son Bé-Lémé

Mor anbandoné,

Alork té pou rann souf lâm-la.

Ô Monmon, fontinn lamour,

Fé koul si mwin lafors out doulèr

Pou mwin plèr sanm ou.

Fé manir mon kèr i flanm

An yinmans Christ-Dieu-la,

Pou tâs kontant ali.

Sint-Mèr, an syouplé vyin fé sa :

Angrav blésans krisifyé-la

Dann finfon mon kèr.

Dé out Zanfan blésé

K’la kab doulouré pou mwin

Partaz pinn-la sanm mwin.

Fé plèr amwin sanm ou pou vréman,

Anpar doulèr sanm krisifyé-la,

Tan’k mon vi va lé.

Koté lakrwa, m’i yinmré

Anfransté dobout sanm ou

Pou gatir-anm out souplinÿ.

Vièrz-bé anparmi vièrz kadoré,

Antoy pa mwin sanm lakolèr

Fé plèr amwin sanm ou.

Fé port amwin lamor lo Christ,

Anvouv amwin sanm son pasyon

An méditans son blésans.

Fé blès amwin sanm son blésir,

Soul amwin sanm lakrwa

Épi sanm lo san out Zanak.

Pou pa m’i bril dann flame-la,

Ké sé ou k’i défann amwin, Vièrzmari

Dann zour mon zizman.

Ô Christ, kan fodra m’i sava,

Fé k’m’i ariv, par out Monmon

Ziska ramo laviktwar.

Kan mon kor va mor,

Fé k’mon lâm i ginÿ

Laglwar Paradi-la. Aminn.