Rèv Tamann
1 avr. 1995
1 min de lecture
Navé ki di :
Kalbas amèr i suiv larasine
Larzan napwin lodèr
I koup pi lo zong lèr sizèr
Navé ki di :
Fo pa mars si zétwal katrèr,
Moulin bondyé i plèr, kant loraz i dans sanm zéklèr
Kilé zordi !
Lokouri déryèr simétiyèr, té kisa lotèr
Si napi lomiské, lo mèr
Kilé zordi !
Lokasièt dann fon la rivir, té kisa lotèr
Si astèr ni fé l’zonm dafèr
Navé ki di :
Napwin galé i blès laravine
Lo Rwa la pa mantèr
La barb gramoun i gardiyn latèr
Navé ki di :
Dann bagou[2] i toy bon lonèr
Lo kèr na in sèl koulèr
Kaponèr[3] i sar pa lagèr
Kilé zordi !
Lokouri déryèr simétiyèr, té kisa lotèr
Si napi lomiské, lo mèr
Kilé zordi !
Lokasièt dann fon larivir, té kisa lotèr
Si astèr ni fé l’zonm-dafèr
Walla - Blouz-Cité
Commentaires