Kayout


Ti-somin, gran-somin

M'i glis an misouk

Si piton tévélava, an rozé-pèrlé

Napwin d’sik, siro, myèl-vèr

Pli dou kou lé, aou mon karo kalou


Ti-somin, gran-somin

Aminn amwin là, dann lansan Gran-basin-la

Koman zangiy galé

M'a galang sanm ou

Tanpirkipé


Ti-somin, gran-somin

Ral amwin lao foré bénoun

Ziskatan wi vé

Dépoz mon kozé lamour

Dann ranpar kayout, toupé oulé !


(2013-10-05-Muz)





10 vues0 commentaire

Posts récents

Voir tout