Yèr, zordi, domin..
Tout lé là
Kalé dan lavane, largé si latab, si fwayé
Dann basin d'zyé i débord sanm
Lafimé pandiyé, an farfar pou mayi
Tout lé là, anmfané si plato ousa
Fonnkèr-paroli i sif, konman larlwa i dépotol
M'i wa, papang i plonz dan kèr-d'van nèfsan
Bokal domyèl i dobout, koulèr fèytol
Si karo largamas pou vèy bordmèr-dé-galé
M'i san ankor
Lansan vèrvinn démay gatir poul fourazèr
Fèy zanbavil i désot lalïng
Piman nwar an kok si loli zèrnyom
Tapi mandyan, Rwiso pou nasyon mon bann
Tout lé là, konm m'i wa
Dann krédmin, Yango-Kaf oulé
Bondyé pou Gaya
Dann péyi Maÿdo-la
(2016-02-04-Pou Franswa)