"Babouna" Pöinm-la na sink-an
Mwin la pandiy ali sanm out sézan..
In fonnkèr pou di aou koman somin libèrté-la lé larz
Pou di aou pangar, ranpar lavi-la lé sitan ranpli laryaz
Papa, monmon i fé zanfan, Bondyé i fé lokèr, sa n'i koné
Sakinn na son rivir pou désoté, son balo pou défé, sa osi n'i koné
La pa zarnyé pou amont bib koman tir filé, sakla aou astèr i koné..
Babou, Babouna, sa gatir ta nou, sa fil i fofil nout vi tèrla
Sa i prèt pa, i done pa, i partaz pa
Sa filaman zonbri, kinm in larlwa i sra pa kab dèf ali
Sa lamour i tir pa portré lazolité, sansa laboté brodri
Sa ravine i koul an larm nout zyé, sa karé-solèy nout lanbéli
Sa kapkap i dor sou nout zoryé kan fénwar i tonm
Sa vavangaz nout léspri dosou pyé mang, kinmsa lanuit i ronn
Sa bonèr an lyane n’i amar an bouké kan nout kèr lé sonm
Pöinm-la na laz ni nana
M’i pandiy ali sanm out vintéïnan
Soit Fleur.. Ici et maintenant Qu’il fasse désert ou forêt
Aujourd'hui est un présent, entre deux rives
Où, indéniablement, pareille au cycle d'or, l'ombre de l'enfance s’éloigne
Soit Fleur.. À nous dire La beauté du monde et ses parfums colorés
Aux pieds des croissants de Lunes, sous chaque arbre, les feuilles tombées des saisons attendent patiemment d'être fibres, à nouveau, conscientes de l’accomplissement
Soit Fleur.. D’hiver et d’été
Pou apèz ti-brine mon kozé-poulouré
Car nul ne pourra en ce jour
Rassurer ce jardin aux allures de mélancolies.
(2021-11-08-Zazavavy-bé)
