Kouran lafré la fane an fougad si bitasyon tanto, laklos lapa soné..
Sou fénwar-la, lavi nyabou ral aou lao, dann savane véli, koté banna
In rame galé astèr, koman fanal si boranbor, pou kraz kabar dann ron-mao
Malouya douloungé i bat goni an kalou pou ou, i fonn an bouzi bordaz, i mont an karo
Lozour, koman paviyon safran anlèr lilèt, i fofil lourlé son somindkrwa
N’i wa bato kourandèr-la, ranpli Zoli-Kaf, aou an parmi, san zizit, pou di anou adyé..
Ayo, mon frèr
Lamor lé kab détak zamar, li kab koup in lélan, savir gonblo lavi
Mé li pa kab anpar basin fané sou ranpar, an saplé
Li pa kab sézi santiman an kapkap sou galé
Li kab kap lokor soloman, mé logrin limazinèr i rét pri
Dann tréfon nout fonnkèr
Aou, amwin, ali..
(Lao-2018-06-24-Wilhiam)