..
Adyé mon kamarad, mon dalon, mon dada, mon zarboutan...!
Adyé koman bonzour, akoz lotan la déboul an fofilèr dann ou kot, san di syouplé, san domann pardon. Adyé "vyé-grinn", mon gran filozofèr i roul an méari, i boukane san filt,
I prétan pa son boul dori san logrin sanm kari.
Adyé gran vwayazèr la fane divé si lokor in takon zinnzan tro frèl, dovan doulèr, dovan lapèr, dovan lovid, dovan léspwar. Adyé gran-Kaf fir dann ron soubatkoz, kapitinn ziskakan, moringèr bitasyon. Adyé, aou plantèr ladinité, sémèr lidantité, véyèr lavi astèr..
Adyé mon frèr Labriz boukar la pèz si ou kalité manir, sitantèlman.. !
Mon koko i sant ankor aswar, sa fonnkèr ramasé sou léstilo nout dé ou
M'i koné ou dor, lamin séré si lor dofé, koman géryé Sahara..
Adyé Velna, Alexis Lo Gran
