O Ya

Dernière mise à jour : 13 janv. 2020


Mon léspri koudkonÿ

Lapa louksirèr dann bordir gétali, lèr kafé

Dann ri-dofine, anlèr lanbrokin ranpar

Bat aou kart konm ouvé poulèr

Ral zokèr, koman zatou santous

Bat sabouk dann kèr anmavouzé

Na zéro, véyèr lakok déryèr baro

Mon vavangaz i rès dann fon larivir trinité

Li désot paranpar

Pou ansiro bébé, grinn blé i sonÿ

Amwin lomous somanké, sisèr loryo

Rodingot anparmi zinvité dann out kozé

Mon kat zèl i koné fo pa, fo pa binÿ dann filé ladous

Fo pa poz dann ronnkèr larlik, barik san fonnkèr

Na badinaz zordi

Lodyab i rod pou maryé son fiy

Dann karo kann, kaskavèl i ri..

(Lao-2018-08-07)


#Fonnkèr #Lao

8 vues0 commentaire

Posts récents

Voir tout

Sitanksa