Kar léo, kar léba Ala kardinal-kourandèr, fofilèr zékar, pou vilanvil

Ala salangane lapousir, karyolèr lasosyèté i vé war

Déryèr karo bitor, kan-bwadlé, sakinn son kotri-laré

Lari d'gransomin i sanbon koman galabé lamès somatin Farine larourout angansé pou dimans Sétaki son bazardyé, bonbagou korné, boudin so byin fré

Wadi sa an Malouya-bé, bal pou manmzèl saloupé, bisik pankor désoté

Dé paké flèr gomé larozé pou ou madame

Inn pou géridon lakaz, lot anlèr kanal Mari-Vièrznwar Laliminyom sa pou gozyé lozonm, ousa sarèt sinwa i kine boranbor lovèr

Ali dada sévré na bouzaron gabyé pou tèt grinn-bèf, limonad glasé

Kar léo, Kar léba Ala boukanaz fine anonsé, sofèr léparé Kisa pou war kaliko-tann la fine saviré Tipa-Tipa, lanbordir té manké, somanké dolo pou mwin arlévé..

(2018-03-18-Kourandèr)

#Maloya #Pöinm #KarKourandèr