Pa..

Dernière mise à jour : 10 mai 2020


Tèrla, na papiyon i vol Na léskargo kokiyé pou aspèr lanuit Na solèy pou fé fonn lokor Mari-Bé, gardyin karo taou Tèrla, na flèr-dézèr

Kador san bouton kab atann lapli

Kab atann sézon séo, gonblo ranmavouzèr

Foto anbor lakrwa, sanm out figir i rir I sagrine pa transpirasyon pèrlé mon kor Li fonn dann zorèy mon koko ranpli fourir

Koman m’i wa ou ankor, si falé béko Mimi Koman m’i wa ou ankor, déryèr bobès an fanal Pou sansitiv nout léspri-kély Konbiyn lotan zordi i kont Na lo dis-mé toulézan, minm mwa ou lé né Déor, na révolisyon si révolisyon Drapo i fèt désotaz loprésyon dann bal zarsiv Dartifis dann kèr pou désoun tapénak Lasinn i briy koman barblé pou rak bouzaron rasine M’i rod somin, sanm in priyèr koté ou kédfwa Akoz zistwar lavi, kinm in kilo sasé kann Tanzantan i sinÿ, akoz galizé na lobor Akoz, mon lyane vaniy na son pikan zépïng Mé la, pou zordi, aou pyé-sandèl m’i vé garoté Akoz m’i wa koman lamour i mor pa, Pa..


#Pa #lao

30 vues0 commentaire

Posts récents

Voir tout