Lamour
- zourazour
- 25 sept. 2019
- 1 min de lecture
Dernière mise à jour : 13 janv. 2020
Kan ou yinm in zanfan
Ou sonÿ ali
Kèl kalité lamour ou nana pou li
Kan lâm zanfan-la an zourné i plèr
Akoz lamour pou li i rézone konm lapèr
Kan ou yinm in moun
Ou békot ali
Kèl kalité lamour ou nana pou li
Kan lèv moun-la i pèt an flèr
Akoz tousa laraz, ranpli dann out kèr
Kan ou yinm in péyi
Ou sali pa li
Kèl lamour ou na pou li
Kan péyi-la i ankès tout maloutri
Makotri out fantézi
Kan ou yinm
Ou sonÿ, ou békot, ou sali pa
Sansa, ou la pou anganté la.
Commentaires