Padport

Dernière mise à jour : 13 janv. 2020

Koz-an-koz :

Wofo ! Tat, m’i tat, tiktak-kadadak

Kozaz karyol, soval dobwa, diak-diak i di.., wo !

Kisa t’i lé timiz, timiz-an-lé

King-king lorwa-pilé, gliy.. dann fanafout mové-zâmé


Ô-Maÿ-DOG, zaz-la koman pou zàz amwin

Kokolok in son mon dalon, dann balo lorin po soubat, kokolok ali don sak i vé ankor lavévé Kèl brans lasinn zot i vé ?

Sabouk si lapo, sansa dann koko lozok !

Ou vé mor domoun, lofon lapwin mon kok ?


Wofo !

Koz-an-koz, langpozé-la, fane kozé dann fonnkèr fonnkézèr

Pöinm suifé, galfaté sanm limazinèrasiyon, wofo !


Plèr SIYA, avaz ali lakord-la pou kas-in-ki ma guitare

Et les mots d’ordre

Musique de Maron, an bouké zavoka Lakour parle

Oyé Lomoun, wopé lariyèl !


Ki la di aou yinm !

Labitid lapa vantar Ki la di aou yinm pa !

Boug bankal i mars pa karté sa


Un besoin d’insolence :

Oh le beat !

Vous ne trouvez pas le beat, le groove, les séquences, lo sanplaz…

Ri azot alor, mok, vane, kakaÿ atwa

Sa kanèt kouyon, prinèl i bit dann trou

Sa toupi parasol, i dor si lamin, mé ti koné pa

Sa larosèrs, linvantivité, sa lasoufrans lovant i fé nèt

Sa fangok lokèr, i angarot, sa flèr simétir i ansipli dolo avan bondyé

Pardon syouplé..


As-tu vu le lizorèl, face B du Bardo, tenter une aventure, se prendre au jeu de l’amour ?

Non, il se contente des grimages du kwèl et se contemple au miroir bordé d’or, accroché au plafond, pour les anges.

Gété na pa tousé, tynbo lapa largé, prophétisation d’sor, santyé galizé, Papa la di : « Zétwal dann siyèl i pèrd pa koté »


Alor grins aou mon kor, dévir mon bolok, fane aou larzan, tout sak ouvé, lapa pityé m’i domann, rokonésans sa zafèr mon momon dovan Lomèr

Koz aou moringèr lo ron, koz vavang, koz ali toulbon

Koz aou, koz varang si i fo, sanm maloya i dévèrs, forstan po vomi lamour pou li


Mé ki konprénaz aou, si dan out koko na riynk gouyav Lafrans

Mizik-pèrform-la, sa koylou-apanti, lasapèl-tapénak, tanpoly-paviyon, ti wa ?


Sa koman zamérant pandiyé sanm in lanspèk vakwa

Koman galé saroyé dann laravine mon lâm

Koman sindou pou mon tèt dopin ansiké kane

Koman kaliko andousi sanm piman Kèr-Sényan

Koman zanz an floy kasyèt dann léko lo van ..

Koman kaliko andousi sanm piman Kèr-Sényan

Koman sindou pou mon tèt dopin ansiké kane

Koman galé saroyé dann laravine mon lâm

Koman zamérant pandiyé sanm in lanspèk vakwa


Langpozé Pou Floÿd / Macaktia Soldat (2011-04-01) / Markot



46 vues0 commentaire

Posts récents

Voir tout